బాధలో కోపం

కాలం కాళ్ళు విరగొట్టాలనుంది
నిమిషాల మెడలు విరిచేయాలనుంది

గతాన్ని తగులబెట్టేయాలనుంది
జ్ఞాపకాలు కాల్చేయాలనుంది

అక్షరాలను విసిరేయాలనుంది
అనంతాన్ని చెరిపేయాలనుంది

సూర్యున్ని మసిచేయాలనుంది
సంద్రాన్ని కసిగా ముంచేయాలనుంది

యెడారిని ఒంటరిగా వదిలేయాలనుంది
రాత్రిని చీకట్లో బందించాలనుంది

చుక్కల్ని ఆర్పేయాలనుంది
చంద్రున్ని దహించాలనుంది

అసలు ఎందుకు
నువ్వు లేవని తెలుస్తుంది
అనుక్షణం నన్నానిజం తొలుస్తుంది

ఎంతలా అంటే
హృదయాన్నే ఉరితీయాలనుంది 
మదిలయనే ఆపేయాలనుంది

మహర్షి