తి క మ క తి క

నిన్న రాతిరి వాలిన పొద్దు
మరో ఉదయాన్ని సిద్దం చేస్తుంది
నా హృదయాన్ని కూడ
వెచ్చని కిరణంలాంటి నీ తలపులతో 
నీకై స్పందించటం 
నీ ఆలోచనల్లొ బందించటం
స్పందించటం,
బందించటం, 
స్మరించటం,
భరించటం,
జీవించటం,
మరణించటం,
విసిగించటం,
ప్రేమించటం,
ప్రతీ వాక్యం,ప్రతీ పదం,ప్రతీ అక్షరం
పాతబడిపోయింది 
కొత్తగా ఏదొ చెప్పాలి,
మునుపు చెప్పిన పాత విషయమె
కాని ఎలా చెప్పాలి????

ఎలా చెప్పాలా???
లేదా!
ఎందుకు చెప్పాలా???? 

ఇది సందేహమా,ప్రశ్న???
ఏది సందేహం
ఏది ప్రశ్న 
అపరిమితమైన సందేహాల,ప్రశ్నల 
గొలుసు నా చుట్టూ అల్లుకుంటుంది 
సందేహాల నివృత్తి నీడల పరిగెత్తలా????
సమాధానాల గోడలు పడగొట్టాలా???
ఇలాగే 
ప్రతీ రోజు తికమకల,మకతికల మరొరోజె
ఈ అస్తవ్యస్త వ్యూహాల చిక్కుకు చచ్చే అభిమన్యుడినే 
నా గమ్యమై నన్ను నువ్వు పిలిచేవరకు....
నా గమనమై నడిపించేవరకు...

మహర్షి