ఎన్నటికి మారవు..

హరిదిక్కునుదయించి అపరదిశనస్తమించడం
సూర్యుడు
ఘృతాచమున మిరమిర మెరుపుల్ మెరిసి 
అంశకమున అంతర్దానమవడం 
నక్షత్రాలు 
ద్విపక్షమంతనూ భువికి వెలుగునందించి
మాసమునకోసారి చీకటిపాలవడం 
చంద్రుడు 
నిత్యం అంబరాన్నందుకొవాలని ఆశపడి అలిసిపోవడం 
కెరటాలు 
తొలిప్రొద్దు వికసించి మలిప్రొద్దు వాడిపోవడం 
పువ్వు 
ఒక హృదయాన విషాదం మరు హృదయాన  ప్రహ్లాదం
రెండింటికి కారణమవడం  
ప్రేమ   

మహర్షి