స్వేచ్ఛ....

నా యదసంద్రంలో దాగిన 
అక్షరాల ముత్యాలన్ని కోరికోరి ఏరి 
అందంగా అలంకరించి 
మధురంగా మాటలల్లుకుంటాను 
అల్లుకున్న మాటలన్నిటికి నా ఆయువు పోసి 
ఆశల రెక్కలు తొడిగి నీవైపు ఎగరేస్తాను 
గొంతు వాకిలి దాక వచ్చిన మాటలన్ని.... 
నువ్వు ఎదురుపడగానె 
నిన్ను చూసిన ఆనందానికో,ఆశ్చర్యానికో,మరెందుకో 
మౌనంగా నిశ్శబ్దంలోకి రాలిపోతాయి...
వేల క్షణాలు వేచున్నాను
కొన్ని క్షణాలు జీవించేందుకు 
కాని కాలం స్థితిస్థాపకమైనది....
ఎన్ని మాటలు కూడబెట్టుకున్నానో 
మనసారా మాటాడేందుకు 
కాని మౌనానికున్న స్వేచ్ఛ 
మాటలకెక్కడిది... 

మహర్షి