అవునను....కాదను...

అవునను లేదా కాదను
కాని ఏదోటి అను
మౌనంగా మసి చేయకు
మాటలు లేని ఏడారిలో
మరోసారి వదిలేయకు....
తప్పంతా నాదె 
కాని తప్పక చేసినదే
తల్లిలా మన్నించు 
మెల్లగా దండించు 
కోపం తగ్గకపోతె 
కన్నులతో కాల్చేయి 
అంతేకాని 
అలక్ష్యంగా వదిలేయకు
నిశ్శబ్ద సముద్రంలొ 
విసిరేయకు 
ఊపిరాడక ఊగిసలాడుతాను 
నీ అడుగుకు అందెను నేను 
లయగా నన్ను పలకరించు 
నా మదికి సవ్వడి నువ్వు
అప్పుడొఇప్పుడొ సడివై రావూ 
ఏదోటి అను
వదిలేయకు 
విసిరేయకు
మౌనంగా శూన్యంలోకి...

మహర్షి