నీవశమా,పరవశమా????

భాషకు సరిపడని 
భవోద్వెగాలకు గురిచేస్తుంటావు 
బావుంటుంది,
బాధగాను వుంటుంది
భయం,దైర్యం,
ఆనందం,దుఃఖం,
శాంతం,కోపం,
ఇష్టం,అసూయ,
అన్నింటిని ఒకే క్షణంలో
పరిచయం చేస్తావు
అసలేమి అర్దమే కాదు
బరువైపోతుంది గుండె
కరువైపోతాయి మాటలు 
పరాయి భాషల్లోంచి 
అరువుతెచ్చుకున్నా సరిపోవు 
బిగిసిన పిడికిలంత హృదయంలో 
బ్రహ్మాండాన్ని మించిన ప్రేమను
భధ్రంగా భరిస్తున్నాను 
ఒక క్షణం పగిలినట్టు
మరో క్షణం రగిలినట్టు
నరకంలా అనిపిస్తుంది 
స్వర్గంలా కనిపిస్తుంది 
నన్ను నీలో బంధించావొ
నిన్ను నా యదలోకి సంధించావో
ఏమొ ఏంచేసావో
గడియ గడియకి జన్మిస్తున్నాను
మరో గడియకే మరణిస్తున్నాను
నీవల్లే జీవిస్తున్నా....
నీవల్లె మరణిస్తున్నా...
నీకొసమే మరణిస్తున్నా....
నీకొసమే జీవిస్తున్నా...
ఇక
నువ్వే నా జీవితమని వెరే చెప్పాలా!!!

మహర్షి