నిష్ఫలం, నిష్ప్రయోజనం

నీ ఉనికి లేకపోతే 
కునుకు లేని పిశాచిని 
వెలుగు లేని నిశాచిని 
చలనం లేని జీవాన్ని 

నీ ఉనికి లేకపోతే 
గాత్రం లేని గీతాన్ని 
జ్ఞాపకం లేని గతాన్ని 
ప్రాణమున్న ప్రేతాన్ని

నీ ఉనికి లేకపోతే 
సలిలం లేని సంద్రాన్ని 
చినుకు లేని యెడారిని
బద్దలైన గోళాన్ని 
ముక్కలైన గగనాన్ని 
విరుచుకుపడ్డ ప్రళయాన్ని 
తెగిపడ్డ నక్షత్రాన్ని 
విరిగిపడ్డ విహంగాన్ని 
తగలబడ్డ అరణ్యాన్ని 
బ్రతకలేని భారాన్ని  
వ్యర్దమైన భవాన్ని
చిద్రమైన ఆశని 
పగిలివున్న హృదయాన్ని 
మిగిలివున్న శిధిలాన్ని....

మహర్షి