మాటలైతే చెప్పొచ్చు
మనసు మాటలు కాదుకదా!!!
అరచెయ్యంత మనసులో
ఆకాశమంత ప్రేముందని
అదారమెలా చూపించను
అణువంత ప్రేమకే అనుమతిలేనిది
గదితలుపులు మూసుకుని
ఇక గాలివీయదనుకుంటె
కంటి రెప్పలు మూసుకుని
వెలుగు విరియదనుకుంటె
గొడుగు చాటు నిలుచుని
వర్షమే కురవదనుకుంటె
గాలి,వెలుగు,వర్షం
తీరు మారిపోదుగా
ప్రేమైనా అంతే
అనుమతివ్వనంతన
ఆగిపోదు,ఆరిపోదు
ఆవిరైపోదు ప్రేమ
నువ్వు చూడటంలేవని
నిన్ను వెతకటం మానదు నా చూపు
నువ్వు మౌనంగా ఉన్నావని
నిన్ను స్మరించడం మానదు నా మనసు
అలక్ష్యంగా చూస్తున్నావని
ఆగిపోను,అలిసిపోదు
నేను, నా ప్రేమ....
మహర్షి
No comments:
Post a Comment